Karne sang baboy posible magsaka ang presyo samtang nagahilapit ang paskwa

Nagapabilin nga manubo ang presyo sang karne sang baboy sa merkado sa probinsya sang Negros Occidental apang lauman nga magasaka ang presyo antes ang paskwa.

Suno kay Provincial Veterinarian Dr. Placeda Lemana, yara sa P250 tubtob P300 ang presyo sang karne sang baboy per kilo samtang yara naman sa P120 tubtob P150 ang presyo sang liveweight per kilo.

Suno diri, barato ang karne sang baboy sa karun bangod nakabangon na ang probinsya sa halit sang African Swine fever kag Hog cholera.

Suno kay Lemana, bisan ang poultry production wala man naapektohan bisan pila na ka bagyo ang naglabay sa probinsya.

Apang pahayag ni Lemana, mahimo magsaka ang presyo sang karne sang baboy antes ang paskwa kag ini liwat nga magnubo sa tion na sang paskwa.