Ginkumpirmar sang Veterinarian sang Cadiz City nga nag-agi sa slaughterhouse ang karne sang baboy nga ginabaligya sa Caduha-an Satellite Market sa balor nga P50 kada kilo.
Kaina, gindagsa sang mga manugbakal ang satellite market sa Barangay Caduha-an bangud tag P50 lamang kada kilo ang baligyaanay sang karne sang baboy.
Suno kay Dr. Josue Rabang, iya ginpakadtuan sang iya mga staff ang merkado kaina kag sa ila pagtsekyar, nahibaluan nga maayo ang baboy nga ginabaligya kag naghalin ini sa ila slaughterhouse.
Suno kay Rabang, legal man ang satellite market kag legal ang proseso sang pagbaligya bangud nag-agi ini sa slaughterhouse, nga ginapatigayunan sang inspection tuhoy sa physical condition sang baboy.
Suno diri, may diber ang manugbaligya kun tagpila ang balor sang karne basta wala lamang sang balatian ang baboy antes gin-ihaw sa slaughterhouse agud masiguro ang kaluwasan sang mga konsumedor.
