May nagalapta nga rumors angot sa kasal nanday Ryan Bang kag non-showbiz partner sini nga si Paola Huyong nga indi na matabo kasunod sa pagdelete ni Paola sang mga post sini nga yara si Ryan sa iya social media, lakip na ang ila engagement tinalikdan nga tuig.
Nanotisyaran sang mga netizens nga wala na sang pictures si Ryan sa Instagram page ni Paola.
Sa video nga gin-uplaod ni Paola sang Agosto 27 para sa launching sang bag-o nga Liverpool Football Club home jersey diri sa Pilipinas, madamo sang nakanotisyar nga wala na sini nasuksok ang iya engagement ring.
Samtang, yara sa gihapon makit-an sa social media account ni Ryan ang pictures sang proposal sini kay Paola sang Agosto 2024.
Apang, may iban nga posts si Ryan nga yara si Paola nga iya gindelete lakip na ang post sini sang Hunyo tinalikdan nga tuig sang nagmeet ang ila pamilya.
Madamo sa mga fans ang nagcomment sa post ni Ryan kun bala madayon ang kasal samtang ginlimitahan naman ni Paola ang makacomment sa iya mga posts.
Madumduman nga isa ka tuig nga nagdate si Ryan kag si Paola antes ang ila engagement kag sila natalana nga ikasal sa Manila sa masunod nga tuig.
