Nagdesisyon na ang pamilya sang apat ka mga katapo sang Fausto Family nga ginmassacre sa ila mismo nga balay sa Sitio Kangkiling, Barangay Buenavista, Himamaylan City, nga magfile sang murder complaints.
Sa interview sang Bombo Radyo Bacolod kay Police Col. Reynante Jomocan, hepe sang Himamaylan City Police Station, nakahinun-anon na ang kapulisan kag ang pamilya sang mga biktima kun sa diin sila ang natalana na lamang nga magkitaay agud mafile ang kaso nga murder.
Madumduman nga wala na sang kabuhi sang naabtan ni Emily, ang subang sa pamilya ang ginikanan sini nga sanday Rolly kag Imelda Fausto kasubong man ang duha ka manghod nga sanday Ben, 15 anyos kag Raben, 11 anyos.
Ang mga ini ang mapatay matapos ginpaulanan sang bala sang mga suspetsado.
Suno kay Jomocan, 15 tanan ang mga suspetsado nga pagapasakaan sang kaso apang isa palang diri ang ila nga nakilal-an.
Sa paghinun-anon nila ni Emily pinaagi sa phonecall, ini ang nagsugot na sa pagfile sang kaso, apang ginahulat na lamang sang kapulisan ang italana sini nga petsa sa pagkitaay para sa filing.
Nagalaom ang mga ini nga mafile na ang kaso subong nga semana.
Paathag ni Jomocan nga kun indi willing ang nabilin nga himata sa pagfile sang kaso, kinahanglan lamang ang mga ini magfile sang affidavit nga indi willing magfile sang kaso kag sila nga mga kapulisan na mismo ang magapasaka sang kaso batok sa mga suspetsado.
