Tinguhaan nga mafile subong nga adlaw ang kaso batok sa duha ka riding in tandem suspects nga nagluthang sa suldado nga katapo sang 79th Infantry Battalion sang Philippine Army sa Sitio Takas, Brgy. Palampas, San Carlos City, Negros Occidental kahapon.
Madumduman nga naaresto sa manhunt operation sanday Jobert Gimarangan kag Alfie Raganas Sr. kun sa diin narecover ang isa ka granada, isa ka KG nine deface serial number; isa ka magazine, 15 ka sachets sang suspected shabu kag isa resealable plastic bag nga may unod nga marijuana.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office, ang mga suspect ang parehas nga mangatubang sang kaso nga frustrated murder kag violation san election gun ban.
Kasubong man ang sa paghupot sang explosives kag narecover nga dako nga balor sang suspected shabu kag marijuana sa idalom sang Republic Act 9165 ukon Comprehensive Dangerous Drugs Act of 2002.
