Gindismiss sang Korte Suprema ang graft kag falsification charges nga ginfile batok kay late Negros Oriental Governor Roel Degamo kag tatlo ka iban pa nga ginalakipan sang paggamit sang calamity fund para sa infrastructure projects kadungan sa pagpanghalit sang Tropical Storm Sendong sadtong 2011.
Sa resolusyon nga napetsahan Pebrero 22, gingrant sang Supreme Court First Division ang petisyon para sa certiorari nga ginsumiter ni Degamo kag kasubong man nga akusado nga sanday provincial treasurer Danilo Mendez kag provincial accountant Teodorico Reyes bangod napamatud-an nga sila ang indi guilty sa graft kag sa 11 counts of malversation pinaagi sa falsification of public documents sang Sandiganbayan Third Division.
Kalakip sa kaso ang P480 million nga balor sang calamity fund nga gina-angot sa 11 ka mga graft kag falsification charges nga anay napending sa Sandiganbayan Second Division.
Gina-alegar nga si Degamo kag ang duha ka kaupod nga akusado ang naggasto sang P480 million calamity fund pinaagi sa pag-award sang 11 ka mga infrastructure projects apisar nga ginwithdraw sang Department of Budget and Management (DBM) ang Special Allotment Release Order nga nagacover sa nasambitan nga balor sang Hunyo 19, 2012 bangod sa kapaslawan sang Negros Oriental nga makacomply sa existing guidelines para sa infrastructure projects.
Ang kaangay nga criminal information ang naga-akusar kay Degamo kag sa iya nga kaupod nga akusado sa pag-award sang 11 ka infrastructure contracts sa balor nga P143.2 million gikan sa P480 million, ukon 15 porsyento nga advance payment para sa mga contractors.
Suno sa Korte Suprema, ang dimissal sang pending charges batok sa petitioners ang ginpatigayon bangod sa double jeopardy nga ground.// Santo sa panindugan sang petitioners nga sanday Degamo, Mendez, kag Reyes, sila ang acquitted na sa proceedings sa Third Division sang Sandiganbayan, matapos ang finding nga sila ang naghulag bangod sa good faith kag wala nagapakita sang partiality, evident bad faith ukon gross inexcusable negligence.
