Napasakaan na sang kaso nga grave threat kag slight physical injury ang bana sang konsehal sang ciudad sang Bacolod nga nagpangastigo sa Rosario-Locsin Street sakop sang Bacolod Police Station 1.
Madumduman nga may isa ka persona nga nanawag sa Bacolod Police Station 1 bangod may-ara sang nagkastigo sa iya kag gina-alegar nga apisar nga padayun nga ginakastigo ang biktima, wala sang may ginhimo ang mga pulis.
Kasunod sini temporaryo nga gin-relieve sa pwesto si Police Captain Francis Depasucat nga nagaserbe bilang station commander sang Bacolod Police Station 1 kag duha ka pulis nga may ranggo nga Police Executive Master Sergeant kag patrolman.
Interview sang Bombo Radyo Bacolod kay Bacolod City Police Office Director Police Col Joeresty Coronica,
Sa interview sang Bombo Radyo Bacolod kay Bacolod City Police Office Director Police Col Joeresty Coronica, napasakaan na sang kaso ang suspek kag wala ginpagwa sang kapulisan ang pangalan sini bangod sa data privacy act.
Suno diri, ginpaagi sa regular filing ang pagpasaka sang kaso batok sa suspetsado kag bisan wala sang medical certificate nga gina-uyatan, may ebidensya sila nga nakuha nga nasumbagan ang biktima.
Pahayag ni Coronica, ang suspek kilala kag madamo sang kilala nga pulis apang suno sa BCPO director apisar sini, dapat naggiyo ang pulis santo sa ila trabaho.
Sa karun, si Police Captain Francis Depasucat ang na-assign sa BCPO samtang ang duha ka pulis nga may ranggo nga Police Executive Master Sergeant kag patrolman ang gin-assign sa Police Regional Office- Negros Island Region.
