Kaso nga murder, nafile na sa suspect sa pagluthang-patay sa security guard sa Brgy Handumanan, Bacolod City

Nafile na ang kaso nga murder sa suspek nga nagpatay sa security guard sa Barangay Handumanan, Bacolod City.

Madumduman nga ang biktima ang ginkilala nga si Arnold Caballes, 37 anyos, tumandok sa ciudad sang Kabankalan apang siyam ka tuig na nga nagapuyo sa Purok Ilaya, Barangay Cabug, Bacolod City, kaupod ang iya live in partner.

Sa interview sang Bombo Radyo kay Police Captain Glenn Montaño, station commander sang Bacolod Police Station 10, nafile na ang kaso nga murder sa suspek sa bulig sang tatlo ka witness.

Suno diri, wala na sa puluy-an sini ang suspek apang ginahulat na lang ang pag-issue sang warrant of arrest.

Dako ang pagpasalamat sini sa mga pumuluyo nga nagkooperar sa imbestigasyon agud masolbar ang kaso.