Kaso sang coronavirus sa Western Visayas, wala nadugangan

Wala sang nagdugang nga kaso sa Western Visayas santo sa ginpagwa nga covid case bulletin sang Department of Health, kahapon, Mayo 9.

Suno sa datos nga ginpagwa sang Department of Health nagapabilin sa 92 ang covid case sa Western Visayas kun sa diin 38 ang mga nag-ayo na kag napulo ang nagkalamatay.

Santo man sa datos, lunsay nagnegatibo ang 229 ka mga swab samples nga ginpadala sa testing labs sang rehiyon kahapon.

Samtang, nakarecover naman ang 42 anyos nga si Covid patient #2 sang probinsya sang Negros Occidental nga nagapuyo sa banwa sang La Castellana.