93 ang panibag-o nga nagdugang sa kaso sang COVID-19 sa probinsya sang Negros Occidental kahapon samtang 86 naman ang nagdugang nga kaso sa syudad sang Bacolod.
Sa COVID-19 Regional Case Bulletin No. 422 nga ginpagwa sang Department of Health Center for Health Development-Western Visayas, nadugangan sang 413 ang kaso sa Region 6.
Sa nasambit nga numero 35 diri ang nagikan sa Aklan; 10 sa Antique; 40 sa Capiz; anum sa Guimaras; 101 sa Iloilo; 93 sa Negros Occidental; 86 sa Bacolod City kag 42 ang nadugang sa Iloilo City.
Bangud diri, nagdangat na sa 43,357 ang kabug-usan nga kaso sang COVID-19 sa Western Visayas kun sa diin nadugangan sang 60 ang mga nag-alayo sa balatian gani yara na ang kabug-usan nga recoveries sa 36,192 samtang nagdangat naman sa 1,047 ang death toll matapos madugangan sang isa ka nagtaliwan bangod sa virus.
74 sa nadugang nga kaso sa probinsya sang Negros Occidental ang lokal cases, 16 ang locally stranded individual (LSI) kag tatlo ang returning overseas Filipinos (ROFs).
Samtang 84 naman sa mga panibag-o nga kaso sang COVID-19 sa Bacolod City ang Local Cases kag duha ang ROF.
Nagdangat na sa 8,921 ang kabug-usan nga kaso sang COVID-19 sa Bacolod kun sa diin 1,190 ang aktibo; 7,487 ang nag-alayo kag nagdangat na sa 243 ang nagtaliwan.
Samtang yara naman sa 14,086 ang kabug-usan nga kaso sang COVID-19 sa Negros Occidental kun sa diin 1,811 ang aktibo; 12,010 ang nag-alayo kag nagdangat na sa 259 ang death toll.
