Makaligad ang pila ka sunod-sunod nga inadlaw nga madamo ang bag-o nga COVID cases, wala sang narekord nga bag-o nga positibo nga kaso sang COVID-19 sa ciudad sang Bacolod kag probinsya sang Negros Occidental kahapon.
Santo sa Department of Health (DOH) Region 6 case bulletin no. 117, may 13 ka panibag-o nga kaso sang COVID-19 sa Western Visayas apang wala sang nagdugang sa Bacolod kag Negros Occidental.
Samtang may tag-apat naman nga nakarecover sa probinsya kag sa ciudad sang Bacolod.
Ang kabug-usan nga kaso sa probinsya sang Negros Occidental ang nagapabilin sa 272 samtang nagapabilin naman sa 92 ang kaso sa ciudad sang Bacolod.
Sa karun, yara na sa 810 ang kabug-usan nga COVID-19 cases sa Western Visayas, 288 diri ang active cases, 506 ang nakarecover kag 16 naman ang nagtaliwan.
