Nagdangat na sa 41 ang kaso sang Covid-19 sa ciudad sang Bacolod matapos madugangan sang napulo kahapon samtang nagdangat naman sang sa 78 ang kaso sang positibo sa Covid-19 sa probinsya sang Negros Occidental matapos madugangan sang isa.
Ini ang ginalakipan nanday WV patient 250, 24 anyos, babayi, LSI; WV 252, 24 anyos, babayi, LSI; WV 253, 29 anyos, lalaki, LSI; WV 254, 46 anyos, babayi, LSI; WV 260 kag WV 261, lunsay mga lalaki kag mga LSI; WV 271, 53 anyos, babayi, LSI; WV 272, 22 anyos, LSI; WV 273, 21 anyos, lalaki, LSI; kag WV 274, 61 anyos, lalaki, LSI.
Suno sa DOH Region 6, tanan nga mga nagpositibo ang yara sa quarantine facility.
Samtang ginlakipan naman ni WV patient 249, 23 anyos, babayi, LSI kag yara man sa quarantine facility ang nagdugang sa Negros Occidental.
Ini ang santo sa ginpagwa nga Covid 19 Case Bulletin No. 94 sang DOH-6.
Samtang ginkompirmar man ini sang pinuno sang inter-agency task against covid-19 Bacolod City nga may yara sang nagdugang nga kaso.
Nagpasalamat man si Vice Mayor El Cid Familiaran nga ginpauntat sa sulod sang duha ka semana ang pagbaton sang LSI agud mapunggan ang paglapta sang virus.
