Nadugangan sang 28 ang numero sang mga nagpositibo sa coronavirus disease 2019 sa probinsya sang Negros Occidental samtang 10 naman ang nagdugang sa ciudad sang Bacolod.
Santo sa COVID-19 Regional Case Bulletin No. 142 sang Center for Health Development-Western Visayas, nagdangat na sa kabug-usan naga 1,516 ang COVID cases sa rehiyon matapos maka-rekord sang 73 ka mga bag-o nga kaso kahapon.
Duha sa mga bag-o nga kaso ang Authorized Personnel Outside Residence (APOR), apat ang locally-stranded individual (LSI), tatlo ang returning Overseas Filipinos (ROFs) kag 64 naman ang local cases.
87.14% diri ang asymptomatic; 10.36% ang influenza-like illness samtang 2.51% ang may severe acute respiratory infection.
Duha naman ang narekord nga napatay kun sa diin ang isa ang nagikan sa ciudad sang Bacolod kag ang isa ang halin naman sa Capiz.
May total reported deaths na karon ang Western Visayas nga 38.
Samtang, nagsaka naman sa 1,238 ang total recoveries sa rehiyon matapos mag-ayo sa balatian ang 21 ka mga persona.
Apat sa mga bag-o nga recoveries ang nagikan sa Negros Occidental.
Sa karon, may yara na sang 807 ka mga kaso ang Negros Occidental samtang 511 naman sa ciudad sang Bacolod.
