Nadugangan sang anom ka kompirmado nga kaso sang COVID-19 ang probinsya sang Negros Occidental samtang wala naman sang may nagdugang sa ciudad sang Bacolod.
Sa COVID-19 Case Bulletin No. 97 nga ginpagwa sang Department of Health kahapon, anum ka mga residente sang Negros Occidental ang nagpositibo sa balatian.
Ini ang ginalakipan sang isa ka 31 anyos nga babaye nga residente sang La Carlota City; 32 anyos nga babaye nga residente sang Bago City; 22 anyos nga babaye nga residente sang ciudad sang Sagay; 38 anyos nga lalaki nga residente sang Bago City; kag 57 anyos nga lalaki nga tumandok sang ciudad sang Silay.
Lunsay mga locally stranded individuals (LSI) ang mga ini kag yara sa karun sa mga quarantine facilities.
Sa karun, may yara na sang 47 ka mga positibo nga kaso sang COVID-19 sa ciudad sang Bacolod samtang 91 naman sa Negros Occidental.
