Naglapaw na sa 240 ang kaso sang coronavirus disease 2019 sa Negros Occidental matapos madugangan sang 37 kahapon samtang tatlo naman ang nagdugang sa ciudad sang Bacolod.
Sa COVID-19 Case Bulletin No. 111 sang Department of Health Region 6, ang mga nagpositibo sa ciudad sang Bacolod ang ginalakipan sang isa ka 44 anyos nga lalaki nga locally stranded individual; 44 anyos nga overseas Filipino worker; kag 30 anyos nga lalaki nga ginakabig indigenous case.
Lunsay yara sa quarantine facilities ang mga ini.
Samtang ang mga nagpositibo sa Negros Occidental ang ginalakipan sang isa ka 25 anyos nga babaye nagikan sa Cadiz City; 23 anyos nga lalaki nagikan sa Sagay City; 43 anyos nga lalaki; 18 anyos nga lalaki; kag 25 anyos nga lalaki lunsay nagikan sa banwa sang Manapla.
Nagpositibo man ang 48 anyos nga lalaki nagikan sa Hinigaran; 42 anyos nga lalaki kag 30 anyos nga lalaki nagikan sa Silay City; 59 anyos nga babaye, 30 anyos nga lalaki kag 29 anyos nga babaye nga mga residente sang banwa sang Manapla; 56 anyos nga lalaki kag 48 anyos nga lalaki nagikan sa ciudad sang Bago; kag 31 anyos nga babaye nagikan sa Cadiz City.
Nagdugang man sa COVID cases ang 52 anyos nga lalaki, 26 anyos nga lalaki kag 24 anyos nga lalaki nagikan sa banwa sang Calatrava; 31 anyos nga babaye nagikan sa Pontevedra; duha ka 20 anyos nga lalaki kag lunsay mga residente sang Calatrava; 37 anyos nga lalaki; duha ka 28 anyos nga mga lalaki; kag 26 anyos nga lalaki nagikan sa Bago City.
Positibo man sa COVID ang 35 anyos nga lalaki, 33 anyos nga babaye kag 60 anyos nga babaye nagikan sa ciudad sang Sipalay; 32 anyos nga lalaki nagikan sa Escalante City; 28 anyos nga babaye nagikan sa Hinigaran; 21 anyos nga lalaki nga residente sang Isabela; 15 anyos nga babaye nagikan sa Talisay City; kag 68 anyos nga babaye nagikan sa ciudad sang Himamaylan.
Nalakip man diri ang 22 anyos nga babaye kag 45 anyos nga lalaki nagikan sa EB Magalona; pito ka tuig nga lalaki nagikan sa Sagay City; 41 anyos nga lalaki nagikan sa Silay City; kag 23 anyos nga lalaki nagikan sa ciudad sang Cadiz.
Lunsay yara sa mga quarantine facilities ang mga pasyente.
Sa karun, nagdangat na sa 243 ang kabug-usan nga kaso sang COVID-19 sa Negros Occidental kag 67 naman sa ciudad sang Bacolod.
Samtang, may yara na sang kabug-usan nga 688 ka mga kaso sa Western Visayas kun sa diin 430 ang active cases, 246 ang nakarecover kag 12 ang nagkalamatay matapos madugangan sang isa kahapon.
