Nagapanugyan ang Bacolod City Health Office sa mga pumuluyo nga pangitaon kag gub-on ukon search and destroy ang ginapangitlugan sang mga lamok.
Nagdangat na sa 1448 ang kaso sang dengue sa ciudad sang Bacolod kun sa diin nagapabilin sa tatlo ang fatalities.
Napulo naman ka mga named Barangays ang may yara sang pinakamadamo nga kaso sang dengue.
Nagapanguna ang Barangay Taculing sa may pinakadamo nga kaso sang dengue nga may 171; Barangay Bata 136; Mansilingan 107; Estefania 106; Villamonte 100; Granada 70; Alijis 70; Sum-AG 68 cases kag Barangay Mandalagan nga may 67.
Sa interview sang Bombo Radyo Bacolod kay Dr. Grace Tan, pinuno sang Environmental and Sanitation Division sang Bacolod City Health Office, ginapahanugutan lamang ang fogging kun may yara sang clustering sang kaso sang dengue sa particular nga lugar santo sa ginasunod nga pagsulundan sang DOH.
Suno kay Tan, dapat balikan ang search and destroy agud nga wala na sang pangitlugan ang lamok nga nagadala sang virus nga gintunaan sang paglapta sang kaso sang dengue.
Ang search and destroy ang wala sang kinahanglan sang dako nga gasto kag mahimo bisan ano nga oras.
