Ginpahayag sang chairman sang Committee on Health and Sanitation sa Sanggunian Panlungsod sa ciudad sang Bacolod nga may isa na ka kaso sang napatay bangud sa dengue.
Sa interview sang Bombo Radyo Bacolod kay Councilor Kalaw Puentevella, madamo na sang mga balatian ang nagatuhaw subong kag pila diri ang leptospirosis kag dengue.
Suno kay Puentevella, padayon ang ila nga monitoring kag ang mga kaso sang nasambit nga balatian ang narecord naman sang Bacolod City Health Office.
Suno diri, may mga narecord nga natapikan sang balatian nga leptospirosis kasubong man sa dengue.
Santo sa pinakaulihi nga data humalin sang Enero tubtob Hulyo 6, nagdangat na sa 229 kun sa diin ang pinakadamo ang sa Barangay Taculing nga may 36.
Suno kay Puentevella, may isa na ka napatay bangud sa dengue kag ini ang ginapahayag nga nagikan sa Barangay Taculing.
Ang napatay ang isa ka babayi matapos nga wala matabangan bangud ulihi na nagkadto sa ospital.
Gindumdom sang biktima nga hilanat lamang ang nabatyag sini kag wala ini nakahibalo nga natapikan na ini sang dengue.
