Nagdangat sa 354.48 porsyento ang ginsaka sang kaso sang dengue sa Negros Occidental sa tuig 2024 kun ipaanggid sa tuig 2023 suno sa data nagikan sa Provincial Health Office.
Santo sa report sang probinsya, may kabug-usan nga 6,799 ka mga dengue cases humalin sang Enero tubtob Disyembre 31, 2024 kun sa diin nagdangat sa 22 ang narekord nga napatay bangud sa nasambit nga balatian.
Ini ang nagapakita sang pagsaka nga 5,303 sa mga kaso kun ikumparar sa 1,496 ka mga kaso ang nareport sang 2023.
Nagapanguna sa may pinakamadamo nga kaso ang ciudad sang Bago nga nakarecord sang 1,042 ka mga kaso kag isa ang narekord nga napatay, ciudad sang San Carlos nga may 552 ka mga kaso; Hinobaan nga may 424 ka mga kaso; Silay City nga may 412 ka mga kaso; Talisay City nga may 411 ka mga kaso ; Kabankalan City nga may 387 ka mga kaso; banwa sang Cauayan nga may 383 ka mga kaso; Sagay City nga may 376 ka mga kaso; Cadiz City nga may 329 ka mga kaso kag ciudad sang Sipalay nga may 290 ka mga kaso.
