Posible nga magsaka sa 215,400 nga numero sang human immunodeficiency virus (HIV) sa Pilipinas sa katapusan sang 2024 suno sa Department of Health.
Sa latest data sang DOH, may yara sang 4,595 confirmed HIV-positive individuals nga ginreport humalin Hulyo tubtob Setyembre 2024 lamang.
Sa nasambit nga numero, 1,301 ukon 28 porsyento ang may yara sang advanced HIV infection sa tion sang diagnosis.
May yara sang 50 ka HIV cases nga narecord sa pungsod sa daily average.
Sa bag-o nga mga kaso, 4,362 ukon 95 percent ang lalaki kag 233 ukon lima ka porsyento ang mga babaye.
Sa nasambit nga age group, 24 ka mga kaso ang naga-edad sang indi magnubo 15-anyos sa tion sang diagnosisl 1,472 ang 15-24 anyos; 2,179 ang 25-34 anyos; kag ang nabilin ang 35 anyos pasaka.
Kadungan sang World AIDS Day, ginpahayag sang DOH nga opisyal na nga ginlunsyar ang “Undetectable – Untransmittable Campaign” sa isa ka tinutuyo nga macurb ang nagasaka nga numero agud mabatuan ang stigma nga na-associate sa virus kag agud magraise sang awareness natuhoy sa prevention, testing kag treatment sang HIV.
