Nakita sa data nga ginpagwa sang Department of Health nga nagasaka ang kaso sang human immunodeficiency virus (HIV) sa pungsod Pilipinas.
Sa data nga ginpagwa as of September 2024, nagapanguna sa Western Visayas ang probinsya sang Iloilo nga may pinakamadamo kun sa diin nagdangat sa 274 ang bag o nga kaso.
Suno kay Dr. Carina Frayco, head of the Amlig Health Clinic sang Corazon Locsin Montelibano Memorial Regional Hospital (CLMMRH), ang nasambit nga numero ang 22.49 percent sang 1,218 ka bag-o nga kaso sa rehiyon nga narecord sang tinalikdan nga tuig.
Suno kay Frayco, makita sa data nga ang Negros Occidetal ang may yara sang 249 ka kaso; probinsya sang Capiz ang may yara sang 131 ka kaso, Bacolod City 125, Aklan 122 kag Antique.
Suno diri, sa kabug-usan nga kaso sang sexually transmitted disease sa rehiyon, 66.26 percent diri ang nakighilawas sa pareho nga lalaki kag 14.78 percent ang nakighilawas sa lalaki kag babayi.
Dugang pa nga 29.47 percent sang kaso ang nagaedad sang 15 tubtob 24 anyos.
Samtang ang Amlig Health Unit, ang nagaengganyo sa tagsa ka indibidwal ilabi na ang sexually active nga maggamit sang condom agud nga malikawan ang HIV infection ukon sexually transmitted infection (STI).
