Nagdangat na sa 27 ang kaso sang indiscriminate firing sa bilog nga pungsod sa tunga sang selebrasyon sang New Year 2025.
Suno kay Philippine National Police (PNP) spokesperson Police Brigadier General Jean Fajardo, 21 ka mga indibidwal ang naaresto may kaangtanan sa firing incidents, 18 sa mga ini ang mga sibilyan, isa ang PNP personnel, isa ang security guard kag ang isa ang personnel sang Bureau of Corrections (BuCor).
Kalabanan sa mga naaresto ang nagikan sa Calabarzon nga may siyam ka mga kaso; National Capital Region kag Western Visayas nga may tag tatlo; kag Northern Mindanao nga may tag duha ka mga kaso.
Tag-isa naman ang nadakpan sa Central Luzon, Central Visayas, Eastern Visayas kag Zamboanga Peninsula bangud sa indiscriminate firing.
17 ka mga firearms ang nakumpiskar ukon narecover matapos ang mga insidente.
