Ginka-alarma sang Department of Health (DOH) ang tuman nga pagsaka sang kaso sang influenza-related cases sa Cordillera Administrative Region sa una nga bahin sang tuig.
Nagdangat sa 7, 132 cases ang narekord nga kaso sa bug-os nga rehiyon kun sa diin kalabanan sa mga natapikan amo ang mga bata, samtang ang pinakatigulang sa ila amo ang nagaedad sang 101 years old nga lolo.
Magluwas sa influenza, nagakabalaka man ang ahensiya sang tuman nga pagsaka sang kaso sang dengue kun sa diin naglapaw sa 70 percent na ang kaso sa una nga bahin sang tuig.
Santo sa datos sang ahensiya, nagdangat na sa 2,112 ang natapikan sang kaso kun sa diin ang pinakabata sa ila amo ang isa ka tatlo ka bulan nga lapsag.
Sa karun, nakarecord na ang DOH sang 67,874 nga kaso sang dengue sa bug-os nga pungsod kun sa diin 189 na sa ila ang napatay.
