May kabug-usan nga 5,486 ka pasyente sang leptospirosis ang na-record humalin sang Enero tubtob Agosto 27, santo sa Department of Health (DOH).
Apisar mas manubo ang numero sang kaso kun ikumpara sa pareho nga time period sang nakaligad nga tuig, ginapaabot sang DOH nga magasaka pa ini sa masunod nga mga semana.
Suno kay DOH Undersecretary Gloria Balboa, ang may pinakadamo nga kaso sang balatian ang na-record sa Cordillera Administrative Region nga yara sa 542, nga ginasundan sang Metro Manila sa 521, kag Central Luzon sa 391 as of August 22.
Gindagsa naman sang pasyente ang San Lazaro Hospital sa Maynila sa diin naga-operate subong ang emergency room sang 300 tubtob 500 percent sang kapasidad sini.
Pahanugyan ni Balboa, magkadto gihapon sa health center may sintomas man ukon wala, agud mahatagan sang husto nga abiso sang mga health workers.
