Nagdangat na sa 15 ang kaso sang leptospirosis kun sa diin anum diri ang napatay sa ciudad sang Bacolod.
Suno kay Dr. Grace Tan, Environment and Sanitation Division Head sang City Health Office, sa 15 ka kaso, anum diri ang ginbawian sang kabuhi santo sa rekord sang Enero 1 tubtob Hulyo 12.
Suno diri, 50 porsyento nga nagsaka sang kaso subong kun ipaanggid tinalikdan nga tuig sa kaangay nga period nga may yara sang 10 ka kaso kag apat ang ginbawian sang kabuhi.
Suno kay Tan, sa anum ka napatay tatlo ang mayghistory sang paglusong sa baha, duha ang naligo sa suba kag isa nga na-expose sa mahigko nga tubig.
Ang factors nga ginalantaw diri amo ang pagdamo sang basura kag amo man nga nagadako ang populasyon sang ilaga sa area.
Dugang pa sini, isa man sa factors amo ang climate change.