Nagsaka sa 32 ang kaso sang Leptospirosis sa Bacolod City kun sa diin ang anum diri ang napatay.
Sa interview sang Bombo Radyo Bacolod kay Dr. Grace Tan, pinuno sang environmental and Sanitation Department sang Bacolod City Health Office, santo sa ila data halin January 1 tubtob October 3, nakarekord na sila sang 32 ang kaso sang leptospirosis kag ini ang 23 percent nga mas mataas kun ipaanggid sa nagligad nga tuig nga may parehas nga death toll.
Suno kay Tan ang mga Barangay nga may matag-as nga kaso amo ang Barangay Vista Alegre, Tangub, Banago, Sincang Airport, Barangay 35, Felisa, Mandalagan, Sum-Ag kag Barangay 16.
Suno kay Tan, mas madamo nga kaso sa may dalagko nga barangay bangud damo man ang nagahaboy sang basura.
Panugyan ni Tan nga ipabilin ang katinlo sa palibot agud nga wala sang may estaran ang ilaga nga nagadala sang balatian nga leptospiros.
