Nagapanguna ang ciudad sang Bago nga may pinakamadamo nga kaso sang Leptospirosis sa probinsya sang Negros Occidental.
Santo sa datos sang Provincial Health Office, nagapanguna ang ciudad sang Bago sa top 10 nga Local Government Unit sa probinsya nga may pinakamadamo sang kaso sang Leptospirosis.
Sa ciudad sang Bago may yara sang 17 ka kaso sang nasambit nga balaitan.
Ginasundan ini sang ciudad sang Cadiz nga may 9 ka kaso; ciudad sang San Carlos; ciudad sang Silay; kag ciudad sang Kabankalan nga lusay may tig-siyam kaso; ciudad sang Himamaylan nga may 8 ka kaso; banwa sang EB Magalona kag Hinigaran nga may 7 ka kaso; ciudad sang Sagay nga may anum ka kaso; kag ciudad sang Talisay nga may 5 ka kaso.
May narekord naman nga napatay bangod sa Leptospirosis sa ciudad sang Bago, ciudad sang Cadiz, ciudad sang San Carlos, ciudad sang Himamaylan, kag banwa sang EB Magalona kag Hinigaran.
Sa kabug-usan may 137 na ka kaso sang Leptospirosis sa probinsya humalin sang Enero 1 tubtob Setyembre 20, 2025.
Kalabanan sa mga nagasuprer sang balatian nga Leptospirosis yara sa edad nga 41 tubtob 50 anyos.
Suno kay Dr Gerlie Pinongan, head sang hospital operation department sang probinsya, padayon ang ila pahanumdom sa mga naga-ubog sa baha nga maghalong ilabi na sa karun nga maulanon ang panahon.
Suno diri, bisan ang mga rescuers hugot nila ngaginapahalong.
