Kaso sang Typhoid Fever sa Negros Occidental, malapit na magdangat sa dos mil

Nagsaka sa 1,737 ang kaso sang Typhoid Fever sa Negros Occidental samtang nagdangat na sa napulo ang napatay.

Ini santo sa data sang Negros Occidental Provincial Health Office halin Enero 1 tubtob Oktubre 26.

Mayorya sa mga pasyente ang naga-edad 0 to 10 years old.

Nagapanguna sa may pinakamataas nga kaso ang San Carlos City nga nagdangat sa 380 cases kag may tatlo nga napatay, ginasundan sang Sipalay City nga may 259 ka kaso kag isa nga napatay, 83 ka kaso sa Hinobaan, 61 sa Cauayan, 56 ka kaso kag isa nga napatay sa Kabankalan City, 42 ka kaso kag isa nga napatay sa Calatrava, 31 sa Sagay City, tag-17 sa Bago kag Victorias City samtang 16 naman ang kaso sa ciudad sang Silay.