Nagnubo ang narekord nga kaso sang Women and Children Protection Desk (WCPD) sang Bacolod City Police Office sa first quarter sa karun nga tuig.
Sa interview sang Bombo Radyo Bacolod kay Police Lt. Rowena Jean Magan, officer in charge sang WCPD- BCPO, pito ka kaso sang violence against women ang narekord humalin sang Enero nga mas manubo kun ikumpara sa first quarter sang nakaligad nga tuig nga may 37 ka kaso nga narekord.
Suno diri, sa pito ka kaso, anum diri ang napasakaan na sang kaso samtang ang isa ang nagwithdraw.
Samtang, may yara na sang naplastar nga activties ang WCPD para sa selebrasyon sang Womens Month subong nga bulan, kaangay sang pagbutang sang purple ribbons, orientation para sa layi sang mga kababainhan, may symposium para sa PWDs, may pagtuon sa imbestigasyon sa VAWC kag human trafficking, kag culmination activity.
