12 na ka Local Government Units sa probinsya sang Negros Occidental ang apektado sang peste nga red-striped soft scale insects (RSSI).
Sa karun kapin sa 44 hectares na sang katubohan sa 12 ka LGU ang apektado.
Ang banwa ukon ciudad nga apektado amo ang Silay, Taliysa, EB Magalona, Victorias, Manapla, Cadiz, Toboso, Murcia, La Carlota, La Castellana, kag Bago.
Nagpropose ang Sugar Regulatory Administration (SRA) sang budget nga P10 million para makontrolar kag matapna ang paglapta sang peste.
Suno kay United Sugar Producers Federation (UNIFED) President Manuel Lamata, nagapanawagan ini sa gobyerno nga maghimo sang madasig nga tikang agud mapunggan ang paglapta sang nasambit nga peste.
Suno diri, may ginagmay nga portion nga apektado sang RSSI apang mabudlay sa gihapon bangod mahimo malatnan man ang iban.
Nagpanawagan man ini nga likawan anay ang pagbyahe sang patdan pasulod ukon paggwa man sa probinsya agud indi na maglapta pa ang kahalitan sang peste.
