Ginpahayag sang chairman sang committee on markets and slaughterhouse sang Sangguniang Panlungsod sang Bacolod City nga indi arrears ukon wala nabayaran nga renta ang nangin main topic sang pagsinapol sang mga market vendors, stall owners kag actual occupants kaupod ang alkalde kag mga opisyal sang syudad nga ginpatigayon kahapon.
Sa interview sang Bombo Radyo Bacolod kay Councilor Celia Flor, ang main topic ang contract of lease sang mga actual occupants sang mga stalls sa merkado.
Suno kay Flor, indi malipod nga madamo sang mga awardees nga ginapaarkilahan ang gin-award sa ila nga pwesto nga ginadumilian bangud ang syudad sang Bacolod lang dapat ang may kinamatarong sa paghimo sini.
Suno diri, luyag lamang sang alkalde nga matumod kun pila ang actual occupants agud nga maplastar sang husto.
Samtang nahibaluan nga kalabanan sa mga occupants sa karun sa merkado ang wala sang contract of lease.
Suno kay Flor, bilang chairman sang committee on markets and slaughterhouse luyag sini nga ang kwalipikado lamang nga mga vendors ang hatagan sang contract of lease.
Suno diri ang arrears ang nagdako bangud ang balayran ang ginpasa na sang mga awardees sa bag-o nga mga nagrenta sa stores ukon sa mga panibag-o nga occupants.
Suno diri ang occupants ang dapat magpaidalom sa public bidding kag ang bidder ang dapat sugot nga magbayad sang utang sang ginbuslan.
Ginpahayag man sini nga madamo na ang mga vendors gani nagadamo man ang nagabaligya sa side walk.
Suno kay Flor naumpisahan na sini ang inventory sang mga vendors kag ginaayo sini sa mga market supervisors nga indi na magdugang.
Ini bangud ang numero sang vendors ang basehan sang pagahimuon sini nga ordinansa.
Samtang ang mga stall awardees nga nagtaliwan na ang mahimo naman nga buslan sang mga kabataan kag mga ka-apuhan santo sa rule of succession.
