Nagpahanumdom ang station commander sang Bacolod Police Station 3 nga mag-aligmat ilabi na nga may pila ka mga ginapahayag nga pagpangawat apisar nga wala ginparecord sa mga kapulisan.
Kahapon, may yara sang nabaton nga video footage ang Bombo News Team nga kuha sa isa ka boarding house sa St. Annes Subdivision sa Barangay Mandalagan, Bacolod City.
Ang lalaki ang nagsulod sa isa ka bukas nga kwarto, nangawat sang pila ka mga pagkabutang.
Nahimo pa nga mang-abusar matapos ginkuha ang kapin duha ka hakop sang mga singco kag dies sintemos nga nakabutang sa divider kag ini ang ginsulod sa tub sa sulod sang banyo.
Natabo ang insidente sang Miyerkules pasado-3:00 sang kaagahon.
Sa interview sang Bombo Radyo Bacolod kay Police Captain Rondyl Tapang, padayon man ang ginapatigayon nga police visibility bilang isa sa mga tikang para sa crime prevention.
Nagpahanumdom man ini sa mga pumuluyo nga siguruhon nga nakalock ang mga balay kag mag-aligmat agud nga indi mabiktima sang mga kawatan.
