Natalana nga pasakaan sang kaso ang isa ka lalaki nga nadakpan nga nagpangawat sang helmet sa sulod sang Bacolod City College sa Barangay Taculing, Bacolod City sang tinalikdan nga adlaw.
Sa interview sang Bombo Radyo Bacolod kay Police Captain Rosalino Pugoy, station commander sang Bacolod Police Station 6, ang suspek ang mahimo nga nag-upod sa pagsulod sa nasambit nga eskwelahan bangud enrolment sang mga estudyante apang ang target sini ang mga nagaparking nga motorsiklo sa sulod sang Bacolod City College.
Interview with Police Captain Rosalino Pugoy, station commander sang Bacolod Police Station 6
Suno kay Pugoy ang suspek ang may dala nga cutter agud gamiton sa pag-utod sang helmet nga matipuhan sini.
Suno sa station commander ang suspek ang wala nagaeskwela sa eskwelahan kag may mga records na sang pagpangawat sang helmet sa bahin sang Bacolod Adventist Medical Center apang wala napasakaan sang kaso bangud ang tag-iya ang indi naman interesado.
Nadakpan ang suspek bangud nakita ini mismo sang tag-iya sang helmet nga dala ang safety gear kag nakumpirmar nga iya gani ginlagas niya ini kag nagpangayo sang bulig sa bystander agud nga mahold ang suspek.
Sa impormasyon nga nakuha sang Bombo Radyo Bacolod nakastiguhan pa ini sang nadakpan.
Nakauhunong ang suspetsado sa Bacolod Police Station 6 kag nagpanugyan si Pugoy sa publiko ilabi na sa mga estudyante nga mangin vigilante sa palibot.
Ang mga suspek ang nagaupod sa mga estudyante apang ang tinutuyo sang mga ini ang magpangawat samtang ini ang pasakaan na sang kaso nga pagpangawat kag ginatsekyar na ang background agud lantawon kun may yara sang existing nga warrant of arrest.
