-- ADVERTISEMENT --
Temporaryo nga ginpasira ang isa ka kilala nga fastfood chain sa ciudad sang Bacolod bangod sa kulang nga fire safety permit.
Nagmando si Bacolod City Mayor Alfredo ‘Albee’ Benitez nga temporaryo nga pasirad-an ang McDonald’s Buri Road Branch bangod wala sila nakacomply sang fire safety permit halin sa Bureau of Fire Protection (BFP).
Ang fastfood chain ang nag-umpisa sa pag-operate sang Pebrero 1 apang ini ang tubtob lang anay sa Pebrero 14 tubtob nga makumpleto ang permmit.
Nagpasalig naman ang fastfood chain nga iprocess ang tanan nga requirements kag suno sa alkalde kun wala na sang problema sa permit, mahimo nga makabalik sa pag-operate ang kilala nga fastfood chain.
