Nag-file sang criminal case ang TV host-actress nga si Kim Chiu batuk sa utod sini nga si Lakambini Chiu angot sa nangin problema sini sa ila nga negosyo.
Upod kay Kim ang iya mga abogado nga sanday Xylene Dolor kag Archernar Gregana sa pag-file sang reklamo kag pagsumiter sang sworn statement, dokumento kag ebidensya sa Office of the Assistant City Prosecutor sa Quezon City.
Suportado man ang aktres sang utod sini nga si Twinkle kag sang iya nga brother-in-law kun sa diin kaupod ang mga ini sang pagfile sang kaso.
Suno diri, nadiskubre sang aktres ang “financial discrepancies” sa negosyo nila nga mag-ulutod.
Ginpahayag sang abogado ni Kim nga indi pa luyag sini nga i-share kun ano nga klase sang negosyo apang suno diri may yara na sang ideya ang mga fans sang aktres kun ano ang business ventures nga kaupod si Lakambini Chiu.
Suno sa aktres mabudlay kag mabug-at para sa iya nga ipadayon ang amo nga tikang, apang ang pagpasaka sini sang kaso ang para sa transparency, accountability kag agud nga maprotektahan ang kompanya kag ang mga employer sini.
Dugang pa sang aktres nga dako nga kwarta nga konektado sa business assets ang nadula.
Nagapangayo sang paghangop kag respeto ang aktres samtang nagapangatubag sang mabudlay nga sitwasyon ang iya nga pamilya.
Apisar sini, nagapabilin ang aktres nga committed sa iya nga ubra, sa mga nagasuporta kag sa iya nga negosyo.
