Isa ka semana antes ang paskwa, amo pa lamang masami nga nagabutang sang dekorasyon ang mga pumuluyo sa Chile.
Sa interview sang Bombo Radyo Bacolod kay Ariane Bobillo, Bombo International News Correspondent derekta sa Chile, sa karun wala pa gawa sang makita nga Christmas decorations sa nasambitan nga pungsod.
Gintestingan man sini nga magtukar sang Christmas carol sa bulan pa lamang sang Oktubre apang siya ang ginsaway sang iya bana nga Chilian bangod ini ang wala nakaandan sa ila
Kahapon lamang nagplastar sang Christmas decoration si Bobillo bilang preparasyon sa pagpakigbahin sa Christmas Around the World sang Bombo Radyo Philippines.
Suno diri, bisan ang mga baligya nga christmas decorations ang karun pa lamang gindisplay.
Ini bangod sa masami isa ka semana ukon tatlo ka adlaw antes sang Christmas Day na nagatakod sang Christmas decorations ang mga Chileans.
Suno kay Bobillo, busy month ang Disyembre bangod closing sang mga accounts kag stocks subong man diri man ginapatigayon ang mga graduations kag enrollment sa eskwelahan.
Apang aminado ini nga luyag gid niya nga mafeel sang iya pamilya partikular na sang iya bata kun paano ginaselebrar ang paskwa sa Pilipinas.
Gani ginadala niya man ang mga ini sa Christmas party sang Filipino community kun sa diin sila ang nagahanda sang Filipino foods kag may traditional games man para sa mga kabataan.
Apang kun yara lang sa ila balay, bangod indi mahilig magkaon sa gab-i ang Chileans, gamay lamang ang ginaluto sini ilabi na nga siya lang ang makaon sang handa para sa Noche Buena.
Nakaligad nga tuig, gindala sini ang pamilya kag nagselebrar sang Paskwa sa Pilipinas, kag mismo ang bana sini nga Chilean ang nagpahayag nga mabatyagan gid ang Christmas spirit sa Pilipinas
Sa Chile, ang mga kabataan ang tuman naman ang pagpati kay Santa Claus, apang nakibot ang iya bana nga sa Pilipinas, siya ang nahimo nga Santa Claus nga nagapanghatag sang regalo.
