Kinse ka mga balay ang apektado sang sunog nga nagluntad sa Purok Riverside Zone 2, Barangay Bata, ciudad sang Bacolod kaina sang aga.
Nagluntad ang sunog pasado alas-10:00 sang aga kag madasig nga naglapta bangud human sa light materials ang mga balay.
Ginapahayag nga nagsugod ang sunog sa balay ni Ivy Zulleta kag naglaton sa kaiping nga mga puluy-an.
Suno sa purok chairman nga si Ronald Deopita, isa ka balay ang natupok kag 14 ka iban pa ang partially damaged.
Nangin madasig naman ang pagresponde sang Bureau of Fire Protection gani nangin madasig ang pagpalong sang kalayo.
Wala naman sang napilasan sa insidente.
Sa karon, ang apektado nga mga residente ang nagatinir sa Marapara Gym kag sila ang nagapanawagan sang bulig nagikan sa city government.
