Naghimo nalang sang diskarte ang vendor sa kiosko sa Bacolod Public Plaza agud nga maka-income sa pihak sang paglain sang panahon.
Sa interview sang Bombo Radyo Bacolod kay Ailyn nga residente sang Barangay 17 kag nagrenta sang kiosko sa Bacolod Public Plaza, malipayon sila bangud madamo na ang ila nga mga customer kag bisan paano nakabenta ang mga ini.
Suno kay Ailyn, ang bata sini ang naghimo sang diskarte paagi sa pagpost online kag nagparaffle kun sa diin nakaganyat sang madamo nga customer.
Suno diri, may yara pa sila sang ginahatag nga free pastillas nga wala sa iban nga kiosks.
Dugang pa sini nga bisan ginbaha ang ila kiosko sang taga tuhod sang nagligad sang nagpadayon ang pag-inulan bangud sa Bagyo Kristine nakabenta sila gihapon.
Suno kay Ailyn, dapat nga may yara gid sang diskarte agud nga maka-income apisar sang malain nga panahon kag diutay ang nagalagaw.
Aminado man ini nga sila ang nalipay nga nakabenta kag nakahibalo man ang mga ini nga ang iban nga kiosko ang namierdihan.
