Suspended ang klase sa Bago City sa tanan nga level kalakip ang kolehiyo, pampubliko man ukon pribado bwas Disyembre 10 bangod sa explosive eruption sang Bulkan Kanlaon.
Ang mandato gikan kay Bago City Acting Mayor Ramon D. Torres, ang gin-anunsyar pinaagi sa The Citybridge (Bago City Newsletter), ang official facbook page sang Bago City Government.
Kadungan sini, kanselado man ang trabaho sa Bago City Hall kag iban pa nga opisina sang gobyerno, apang para sa serbisyo publiko, may-ara sang skeletal force nga magapadayun sa serbisyo.
Padayun man ang pagdul-ong sang basic kag health services, disaster response kag performance sang iban pa nga vital services.
Ginapanugyan man sa mga pamunuan sang mga national offices sa Bago City ang pagsuspender sang trabaho bangod sa paglupok sang bulkan.
Abiso sang bise alkalde sa tanan nga maghalong sa pagpauli kag magsuksok sang facemask kun kinahanglan ukon magpabilin na lamang sa sulod sang balay.
