Suspendido subong nga adlaw ang klase sa ciudad sang Bacolod kag probinsya sang Negros Occidental bangod sa Severe Tropical Storm Opong.
Kahapon gin-anunsyar sang Malacañang nga kanselado ang tanan nga trabaho kag klase sa tanan nga lebel sa Metro Manila, Biliran, Eastern Samar, Northern Samar, Samar, Masbate, Romblon kag Sorsogon.
Samtang, suspendido man ang klase sa tanan nga lebel sa Aklan, Albay, Antique, Batangas, Bataan, Camarines Norte, Camarines Sur, Capiz, Cavite, Catanduanes, Guimaras, Iloilo, Laguna, Leyte, Marinduque, Negros Occidental, Oriental Mindoro, Rizal kag Quezon.
Gin-anunsyar man kahapon ni Bacolod City Mayor Greg Gasataya nga wala sang klase sa tanan nga lebel sa public kag private schools sa ciudad santo sa Heavy Rainfall warning sang PAG-ASA bangod sa Severe Tropical Storm Opong kag Southwest Monsoon.
Santo sa Philippine Atmospheric, Geophysical and Astronomical Services Administration alas-5:00 subong nga aga, yara sa Tropical Cyclone Wind Signal no. 2 ang extreme northen portion sang Negros Occidental nga ginalakipan sang Toboso, Escalante City, Sagay City, Cadiz City, Manapla, Victorias City kag Enrique B. Magalona; samtang Signal No 1 naman sa Calatrava, Salvador Benedicto, San Carlos City, Silay City, Talisay City, Bacolod City, Bago City, Murcia, La Castellana, Valladolid, Pulupandan, La Carlota City, San Enrique, Pontevedra, Moises Padilla, Isabela kag Hinigaran.
