Klase sa Brgy Gatuslao sa banwa sang Candoni, suspendido sa gihapon kasunod sa nagluntad nga engkwentro sa tunga sang Philippine Army kag NPA

Suspendido sa gihapon ang klase sa Brgy Gatuslao, banwa sang Candoni samtang padayon pa ang engkwentro sa tunga sang 15th kag 47th Infantry Battalion sang Philippine Army kag katapo sang Southwest Front sang NPA.

Sa interview sang Bombo Radyo kay Punong Barangay Randy Dellosa, padayon pa ang engkwentro nga amat-amat nga nagapalayo sa ila area kag nagalapit sa bahin na sang boundary sang Negros Occidental kag Negros Oriental.

May yara man sang impormasyon nga may ginpatigayon nga airstrike apang wala pa sang kumpirmasyon gikan sa militar.

Pahayag ni Dellosa, ang lugar nga ginluntaran sang engkwentro ang amo man nga lugar nga ginluntaran man sadto sang encounter kag bisan ang mga pumuluyo ang naanad na nga makabati sang linupok.