Nagpagwa sang Executive Order ang alkalde sa ciudad sang Bacolod para cancellation sang klase sa tanan nga level kalakip na ang kolehiyo sa pribado kag pampubliko nga eskwelahan bangud sa tuman kainit nga panahon.
Santo sa executive order no. 13 nga ginisyu ni Mayor Albee Benitez subong nga adlaw, Marso 8, suspended ang klase sa tanan nga level kalakip ang kolehiyo.
Nakasaad man sa executive order nga ang class suspension ang ginbase man sa DepEd Order No. 037 series of 2022 ukon ang Guidelines sa Cancellation ukon suspension sang mga klase kag trabaho sa eskwelahan bangud sa Natural Disasters, Power Outages, Power Interruptions kag iban pa nga kalamidad.
Subong nga adlaw narecord ang heat index nga 40 degree celsius.
Gani para sa safety sang mga estudyante sa ciudad sang Bacolod, kinahanglan nga magdeklarar sang class suspension.
