Klase sa ciudad sang Bacolod kag iban pa nga banwa kag ciudad sa Negros Occidental, suspendido subong nga adlaw bangud sa ginapaabot nga pagbubo sang madamol nga ulan

Bangud sa ginapaabot nga pagtpupa sang madamol nga ulan subong nga Huwebes, ginsuspend sang alkalde ang klase sa tanan nga level sa public kag private schools subong nga adlaw.

Ini ang kasunod sang heavy rainfall warning number 3 sang PAGASA nga nagapaidalom sa Negros Occidental sa Orange Rainfall Warning.

Suspendido man ang klase sa tanan nga level sa private kag public schools sa ciudad sang Victorias.

Wala man sang klase sa tanan nga level sa Silay City, San Carlos City, EB Magalona, Pulupandan, Talisay City tubtub sa senior high school kag sa Himamaylan City.

Sa karon, ginahulat pa ang announcement sang iban nga LGU angot sa class suspension.