Balik na ang klase subong nga adlaw sa Father Gratian Murray Integrated School sa Barangay Granada, Bacolod City matapos nga ginkansela kahapon bangud sa suspected Hand Foot and Mouth Disease ukon HFMD.
Sa interview sang Bombo Radyo Bacolod kay Punong Barangay Armando Vito sang Barangay Granada, una nga ginpahibalo siya sang school principal nga may yara sang tatlo ka mga bata nga ginsuspetsuhan nga may yara sang HFMD.
Suno kay Vito, iya nga gin-abisuhan ang school principal nga ang tatlo ka mga estudyante ang idal-on gilayon sa health clinic sang Barangay agud nga macheck-up sang doctor.
Gilayon man nga ginkanselar ang klase sa nasambit nga eskwelahan santo man sa Department of Education Memorandum.
Ang eskwelahan ang gintinluan naman kag gindis-infect.
Ang mga estudyante nga may suspected HFMD ang ginalakipan sang Grade 8,Grade 10 kag senior high.
Samtang nag-abot naman ang resulta sang medical tests sang duha ka mga estudyante nga nakumpirmar nga indi HFMD ang nagtubo sa lawas sang mga ini apang ang isa ang wala pa nakapahibalo sang resulta.
Bangud sini wala sang cancellation sang klase subong nga adlaw.
