Klase sa Himamaylan City, suspendido bwas Hulyo 17 bangod sa ginalauman nga mabaskog nga ulan epekto sang Bagyo Crising

Suspendido ang klase sa tanan nga level, sa pampubliko kag pribado nga eskwelahan sa Himamaylan City bwas Hulyo 17 bangod sa malain nga tiyempo.

Ini bangod sa epekto sang Tropical Cyclone CRISING.

Sa Executive Order No. 2025-38 series of 2025, sa weather forecast para bwas, lauman ang madamol nga ulan sa Negros Occidental bangod sa Bagyo.

Bangod sini, suspendido ang face-to-face classes kasubong man ang pagreport sang mga teaching kag non-teaching personnel sa eskwelahan.

Apang apisar sa suspendido ang face-to-face classes, ang mga manunudlo ang mahimo magshift sa alternative delivery mode kaangay sang modular ukon online learning.