Isa sa kabudlayan sa mga buluthuan amo nga may yara lang sang tatlo tubtob apat ka electric fan ang kada classroom, dugang pa nga kun nagasiga ang mga suga mas naga-init na gid ang temperatura.
Kasubong man nga may mga classroom nga yara sa indi makahoy nga area gani ini direkta nga nagakaigo sang init sang adlaw.
Gintugyan man sini sa mga estudyante nga indi na mag usar sang polo kag magsuksok na lamang sang puti nga tshirt kag dilargo ukon palda kag wala naman ginarequire sa mga manunudlo ang uniform kun magklase kag sila makasuksok sang bayo kun sa diin sila komportable basta may pako lang ini, apang kun padulong pa lamang sa eskwelahan, ang mga manunudlo dapat nga nakauniporme kag may ID gid pirme.
Para kay Cabahug, emergency crisis ini kun kabigon, gani nagpasa na ini sang request nga ma-approve ang ila alternative delivery mode, apang wala na ini naghulat sang approval kag gilayon na lang nga gin-implementar para sa ikaayo sang maga estudyante kag manunudlo.
Mensahe sini sa mga ginikanan kag mga manunudlo nga proteksyonan ang mga kabataan sa karun nga tion nga grabe ang init sang tiyempo.
