Bangud sa malain nga tyempo dala sang Hangin Habagat kag Low Pressure Area kalabanan sang mga Local Government Units sa probinsya sang Negros Occidental ang nagsuspend sang klase.
Suspended ang klase sa tanan nga level nga ganilakipan sang banwa sang Isabela, Pulupandan, Binalbagan,Moises Padilla,Hinigaran, EBMagalona, Murcia, Pontevedra, Salvador Benedicto, Valladolid, Cauayan, Ilog, ciudad sang Himamaylan, Kabankalan, Silay, Talisay, Bago, Sagay, La Carlota, Sipalay, Escalante kag San Carlos City.
Ang ciudad sang Bacolod ang preschool lamang tubtob sa Senior High School kag pila sa mga kolehiyo nga ginalakipan sang La Consolacion College- Bacolod-suspended ang klase sa basic education samtang suspended man ang face to face classes sa College Level apang magapatigayon sang iban nga learning modalities; University of Negros Occidental-Recoletos nagsuspend sa All Levels; STI-West Negros University-suspended ang F2F classes- ALL Levels apang ipatuman ang Asynchronous classes; Colegio de San Agustin-Bacolod-suspended ang klase halin sa Pre-School tubtob sa Senior High School lamang samtang suspended ang klase sa tanan nga campuses sang Carlos Hilado Memorial State University (CHMSU)
