Suspendido gihapon ang klase sa tanan nga level sa ciudad sang Bacolod bwas nga adlaw.
Sa interview sang Bombo Radyo kay Dr. Anna Maria Laarni Pornan, pinuno sang City Disaster Risk Reduction and Management Office, mahimo nga magaresume na ang trabaho sa Bacolod City government bangud sa essential services.
Nag-abiso naman sila kagab-i sa mga evacuees nga indi lang anay magpauli bangud nagbaskog naman ang ulan.
Sang gab-i na, ang north side naman sang Bacolod ang ginbaha lakip na ang Barangay Banago, Bata, Mandalagan, Barangay 1, 8, 9 kag 6.
Samtang sa central Bacolod, ginbaha ang Barangay 16 kag 35.
Sa kabug-usan, 25 ka barangay sa Bacolod ang apektado sang baha.
Nagpauli naman ang pila ka mga pamilya nga nag-evacuate sa southern part sang ciudad.
Base sa data, masobra 40 millimeters ang accumulated rainfall kagab-i gani ginbaha ang Barangay Banago kag Barangay Mandalagan, lakip na diri sa Dalan Lacson bangud wala nagauntat ang pag-ulan kag less ang absorption sang duta.
Madamol man ang pag-ulan sa Murcia kag Salvador Benedicto.
Ginpanugyanan naman ang mga residente nga nagpauli na nga padayunon ang pagmonitor sa forecast sang ulan agud indi mabudlayan sa pag-evacuate kun mataas na ang tubig.
Ginprioritize naman ang paghatag sang bugas kag delatas sa mga pamilya agud nga sila ang may kaunon.
As of kagab-i, masobra na isa ka libo ka food packs ang napanagtag sang city government sa mga evacuees.
