Suspendido gihapon ang klase sa elementary kag high school sa ciudad sang Bacolod bwas nga adlaw.
Nahibaluan nga halin kahapon sang hapon, suspendido ang klase sa ciudad kag iban nga bahin sang probinsya sang Negros Occidental bangud sa pag-ulan.
Sa pihak nga bahin, malapit 200 ka mga pamalay sa Barangay Caliling, banwa sang Cauayan ang apektado sang pagsaka sang lebel sang tubig sa Caliling River kaina sang kaagahon kadungan sang madamol nga pag-ulan dala sang Low Pressure Area.
Sa interview sang Bombo Radyo kay Barangay Kagawad Erlinda Dorimon, bangod sa tayuyon nga pagbubo sang ulan, alas-5:00 kaina sang kaagahon nagsaka ang tubig sa taytay sa Sitio Tamburong sa nasambit nga lugar.
Kapin 188 ka mga pamalay ang apektado sang baha lakip na ang adjacent sini nga Purok 1.
Samtang, apisar nga may yara sang mahinay nga pag-ulan, nagnubo man ang lebel sang tubig, apang may yara sa gihapon sang pagbaha sa dalanon nga nagdangat tubtob sa hawak ang tubig.
Amo man nga may yara sang mga nag-evacuate sa ila nga mga puluy-an, kag madamo man sang nagtululumpok nga mga motorsiklo kag tricycle, kag kasapatan sa unaffected area nga dalanon.
Kasubong man nga ginkanselar ang klase sa siyudad.
Suno kay Dorimon, ila ginapreparahan sa tanan nga oras kun may yara sang sitwasyon nga pag-ulan.
Dugang pa niya, kun mabaskog ang ulan, gilayon nila nga ginahingyo ang tagsa nga magpadulong sa evacuation center nga bitbiton lamang ang importante nga mga gamit.
Naghatag man ini sang kasiguraduhan nga handa ang Barangay Risk Reduction team, Department of Socal Welfare and Development, kag amo man ang mga tagsa nga mga tanod para mag-akomodar kag magbantay sa sitwasyon.
