Mahimo nga nakakita na kamo sang mga zoo animals nga yara sa train station, apang ini ang yara lamang sa animation nga Madagascar.
Ano ayhan ang mangin reaksyon mo kun mismo sa train nga imo sakyan, may-ara ka makita nga wild animals?.
Kaangay lamang sa Sydney Australia, kun sa diin ginkalingaw sang mga pumuluyo matapos makit-an ang isa ka Koala nga kaangay nga nagatour lamang sa sulod sang train station.
Makita sa video ang isa ka koala nga naga saka-panaog kag nagalibot pa sa sulod sang estasyon sang tren.
Pagkakita sang mga opisyal sang train station, ini ang gilayon man nila nga ginbantayan.
Nag-abiso pa ang mga ini sa mga train drivers nga hinayan ang pagpadalagan kung maglabay sa ila estasyon.
Matapos ang kalmado nga pagsunod sang mga opisyal sa Koala, ini ang kosa man nga nagtaklas sa pader kag nagbalik sa kalasangan.
