Ginsuspend sang makadali ang House panel hearing angot sa pag-utilize ni Vice President Sara Duterte sang pondo matapos nga nagsaka ang tensyon sa pagluntad sang mga akusasyon sang korapsyon sa Department of Education (DepEd).
Ginpakigbahin ni Surigao del Sur 2nd District Rep. Johnny Pimentel, ang iya personal experience kag accounts sa iya mga kaangay nga kongresista sa gin-alegar sini nga nagpangayo si former DepEd Usec. Epimaco Densing III sang releasing sang pondo para sa mga school buildings.
Ini ang natabo sang si Densing ang nangin appointee ni Duterte bilang in charge sa school infrastructure kag facilities.
Ginsabat ni Densing nga wala sang kamatuoran ang mga alegasyon ni Pimentel samtang nagpadayon sa pagpamahog ang mamalidha nga iga-cite in contempt sini si Densing bangod sa pagbinutig.
Nagsaka ang tensyon kag nadesisyonan nga isuspend ang proceedings agud nga mapakalma ang sitwasyon.
Sa pagresume sang session, nagpahayag si Pimentel nga indi na sini pagpamangkoton pa si Densing bangod nga “pathological liar” ini kag nagpahayag nga indi ini mag-untat sa pagtipon sang ebidensya agud mapamatud-an ang corrupt practices ni Densing sa DepEd.
